You are here: Home വിദേശം ചൈന ഞാൻ കണ്ട ബെയ്‌ജിങ്ങ് - 2


ഞാൻ കണ്ട ബെയ്‌ജിങ്ങ് - 2 PDF Print E-mail
Written by നിഷാദ് ഹുസൈൻ കൈപ്പള്ളി   
Friday, 04 February 2011 11:05

ഹോട്ടലിൽ വന്നിറങ്ങിയപ്പോഴേക്കും മണി രാവിലെ 11:00 കഴിഞ്ഞിരുന്നു. ടൂർ ബസ്സുകൾ എല്ലാം രാവിലെ പുറപ്പെട്ടുകഴിഞ്ഞിരുന്നു. എന്നാൽ ഒരു ദിവസം പാഴാക്കണ്ട എന്നു കരുതി ഞാനും സുഹൃത്തും പുറത്തിറങ്ങി.  ചുറ്റും അംബരചുംബികൾ, ദൂരെ CCTV കെട്ടിടം ചരിഞ്ഞു തലയിൽ വിഴാൻ പാകത്തിനു നിൽക്കുന്നു. സുന്ദരികളായ ചൈനക്കാരികൾ ഞങ്ങളെ രണ്ടു പേരെയും നോക്കി ശരിക്കും ismail അടിക്കുന്നുണ്ടു്. ഇവളുമാരു് ഇന്ത്യക്കാരെ അധികം കണ്ടിട്ടുള്ള ലക്ഷണം ഇല്ല.




സമയം കളയാത birds nest സ്റ്റേഡിയം പോയി കാണാം എന്നു തീരുമാനിച്ചു. ഞങ്ങൾ ഒരു ടാക്സി പിടിച്ചു നിർത്തി. അപ്പോഴാണു് ഈ നാട്ടിലെ കാശൊന്നും കൈയ്യിൽ ഇല്ലന്ന് ഓർമ്മ വന്നതു്. കൈയ്യിൽ അമേരിക്കൻ ഡോളർ മാത്രമേയുള്ളു. അതു് ടാക്സിക്കാർ വാങ്ങുമോ എന്നറിയില്ല. അവനെ മാപ്പ് തുറന്നു് Bird's nest സ്റ്റേഡിയത്തിന്റെ സ്ഥാനം ചൂണ്ടി കാണിച്ചു. എന്നിട്ട് "Go" എന്നു പറഞ്ഞു നോക്കി. പുള്ളിക്ക് സംഗതി പിടികിട്ടി. ഞാൻ ഒരു കൈയിൽ ഒരു 20 USD യും മറ്റെ കൈ കൊണ്ട് കാശിന്റെ ആഗോള സിമ്പൽ അയ രണ്ടു വിരൽ ഞിരടി ആംഗ്യഭാഷയിൽ ചോദിച്ചു "ടെയപ്പി ചക്കറം എത്ര വേണം?" അവൻ 20 ഡോളർ കൈയിൽ എടുത്തു് തിരിച്ചു മറിച്ചും നോക്കിയിട്ട് തിരികെ തന്നു. ഇവനോട് ഇതു കൺ‌വെർട്ട് ചെയ്യണം എന്നു എങ്ങനെ പറഞ്ഞു മനസിലക്കും? 10 മിനിട്ട് അറിയാവുന്ന കഥകളി മുദ്രകൾ എല്ലാം പയറ്റി നോക്കി ഒന്നും ഫലിച്ചില്ല. ടാക്സിക്കാരൻ വണ്ടി ഒരു വശത്തു പാർക്ക് ചെയ്തിട്ട് ഞങ്ങളുടെ കൈ പിടിച്ച് അടുത്തുള്ള ഒരു കൂറ്റൻ കെട്ടിടത്തിന്റെ മുന്നിൽ കൊണ്ടു പോയി. അവിടെ നിന്നിരുന്ന ഗാർഡിനോടു് എന്തോ പറഞ്ഞു. ഞാൻ ഒന്നു വിരണ്ടു. ഞാൻ കരുതി ഇവൻ നമ്മളെ പോലിസിൽ പിടിച്ചു കൊടുക്കുകയാണെന്നു. ഗാർഡ് ചിരിച്ചുകൊണ്ടു ഞങ്ങളോടു പറഞ്ഞു്. "Welcome to China Construction Bank, Please go inside". ഇംഗ്ലീഷ് അറിയാവുന്ന ഒരു മനുഷ്യനെ കണ്ടപ്പോൾ ഞങ്ങൾക്ക് സമാധാനമായി. ഞങ്ങൾ അവിടെനിന്നും ഡോളർ മാറി. ഒരു ഡോളറിന് 6.7 RMB (റെമിംമ്പി) വങ്ങി. അങ്ങനെ മാവോയിസം വീട്ടിൽ വന്നിട്ട് ആദ്യമായി ചെയർമാൻ മാവൊയെ കണ്ടു. 100 RMBയിൽ ഇരിക്കുന്ന മാവോ സാഖാവിനു് തടി അല്പം കൂടിയിട്ടുണ്ടോ എന്നൊരു സംശയം ഇല്ലാതില്ല.

പുറത്തു ടാക്സിക്കാരൻ ഞങ്ങളെയും കാത്തു നില്ക്കുന്നുണ്ടായിരുന്നു. ഞങ്ങളെ കണ്ടതും അവൻ വലിച്ചുകൊണ്ടിരുന്ന സിഗററ്റ് അടുത്തുള്ള് ആഷ് ട്രേയിൽ കുത്തിയണച്ചു. ഞങ്ങൾ വണ്ടിയിൽ ഇരുന്ന. ബെയ്‌ജിങ്ങിൽ ടാക്സികൾ തുടങ്ങുന്നതു് 10 RMB (5.5 AED) യിലാണു് . ഡ്രൈവർ സീറ്റിന്റെ ഹെഡ് റെസ്റ്റിനും മുമ്പിലത്തെ പാസഞ്ചറേയും കട്ടിയുള്ള പ്ലാസ്റ്റിക്ക് കൊണ്ട് മറച്ചിട്ടുണ്ട്. ടാക്സി ഡ്രൈവറിനെ പുറകിൽ നിന്നും ആക്രമിക്കാതിരിക്കാനും പണം കവർച്ച ചെയ്യാതിരിക്കാനുമാണത്രെ ഈ സംവിധാനം !

ഞങ്ങൾ birds nest സ്റ്റേഡിയത്തിന്റെ അരുകിൽ എത്തി. ഇത്രമാത്രം സ്റ്റീൽ ഈ പണ്ടാരക്കാലന്മാർ ഇന്ത്യയിൽ നിന്നും വാങ്ങിക്കൊണ്ടുപോയതു് ഇതിനായിരുന്നു എന്ന് നേരിൽ കണ്ടപ്പോൾ എനിക്ക് സമധാനമായി. ഈ ഇരുമ്പെല്ലാം ഇന്ത്യയിൽ ചുമ്മാ വെറുതെ കിടന്നിരുന്നെങ്കിൽ കുറേ വെട്ടിരുമ്പുകളും, വടിവാളുകളും, പാരക്കുറ്റികളും, ചിലപ്പോൾ കുറേ കാറുകളും ഉണ്ടാകുമായിരുന്നു. എന്നാലും ഇതുപോലൊരു സൃഷ്ടി ഉണ്ടാകുമെന്നു തോന്നുന്നില്ല.



An incomprehensible engineering marvel എന്നു വെറുതെ പറഞ്ഞിട്ട് കാര്യമില്ല. മനസിൽ സങ്കല്പിക്കാൻ പോലും കഴിയാത്ത ഒരു രൂപമാണു് ഈ സ്റ്റേഡിയം. എത്ര നോക്കിയാലും ഇതിന്റെ structural form മനസിലാക്കാൻ കഴിയില്ല. ലോകത്തുള്ളതെല്ലാം കോപ്പി അടിക്കുന്ന ചീനക്കാരൻ രൂപകല്പന ചെയ്ത ഈ സ്റ്റേഡിയം മറ്റാർക്കും കോപ്പി അടിക്കാൻ കഴിയാത്ത വിധത്തിലാണുള്ളത്.

 

 
                                                                                                    ബെയ്ജിങ്ങ് Olympic Park


ഞങ്ങൾ സ്റ്റേഡിയത്തിന്റെ ചുറ്റും ഒന്നു നടന്നു നോക്കി. സ്റ്റേഡിയം കാണാൻ വിദേശികളേക്കാൾ കൂടുതൽ സ്വദേശികൾ തന്നെയാണുള്ളതു്. ബസ്സ് പാർക്കിൺഗിൽ ഏകദേശം അഞ്ഞൂറോളം ബസ്സുകൾ പാർക്ക് ചെയ്യാനുള്ള സ്ഥലം ഉണ്ടായിരുന്നു. അതു് ഫുൾ ആയിരുന്നു. ചൈനയുടെ എല്ലാ കോണിൽ നിന്നും ജനം ബെയ്‌ജിങ്ങ് നഗരം കാണൻ എത്തുന്നുണ്ടെന്ന് മനസിലാക്കാം. അവിടെ എങ്ങും ഇന്ത്യാക്കാരെ ആരെയും കണ്ടില്ല. ഏതോ അന്യഗ്രഹ ജീവികളെ കണ്ടതുപോലെ ഞങ്ങൾ രണ്ടുപേരേയും ജനം ശ്രദ്ധിക്കുന്നുണ്ടായിരുന്നു. രണ്ടു തവണ ചൈനീസ് പെണ്ണുങ്ങൾ ഞങ്ങളോടൊപ്പം നിന്നു ഫോട്ടോ എടുത്തു. അപ്പോഴെല്ലാം എന്റെ മനസിൽ ഒരേയൊരു ചിന്ത മാത്രമെ ഉണ്ടായിരുന്നുള്ളു. ഇതായിരുന്നു ഇവിടുത്ത സ്ഥിധി എങ്കിൽ ഇരുപതു് വർഷം മുമ്പെങ്ങാനം ഇങ്ങോട്ടു് കെട്ടിയെടുത്താൽ മതിയായിരുന്നു. ഇന്ത്യാക്കാരെ ഒരു വിലയും കല്പ്പിക്കാത്ത രാജ്യങ്ങളിൽ പോയി വെറുതെ സമയം കളഞ്ഞു.


 

 

വിശാലമായ പാർക്കിന്റെ തറയിൽ ട്യൂബ് ലൈറ്റ് പതിച്ചിരുന്നു. ഒളിമ്പിൿ ഓപ്പണിങ്ങ് സെറിമണി നടക്കുന്ന സമയം ഈ ഫ്ലോർ ലൈറ്റുകൾ sequenceൽ കത്തുകയും അണയുകയും ചെയ്തിരുന്നു.



 

 

സ്റ്റേഡിയത്തിന്റെ അടുത്തു തന്നെയാണു് National Aquatics Centre അധവ "Water Cube". Birds Nest വൃത്തത്തിലാണെങ്കിൽ Water Cube സമചതുരത്തിലാണു്. ഈ കെട്ടിടം രാത്രി കാണാൻ അവസരം കിട്ടിയില്ല. കിട്ടിയിരുന്നെങ്കിൽ ഒരു കലക്ക് കലക്കാമായിരുന്നു.







 

 

പ്രശസ്ത ചൈനീസ് ശില്പി Yin xiao Feng നിർമ്മിച്ച "Ballads from the past" എന്ന ശില്പത്തിന്റെ details. ഇതുപോല അനേകം ശില്പങ്ങൾ ഒളിമ്പിൿ പാർക്കിൽ സ്ഥാപിച്ചിട്ടുണ്ട്.



                                                       വഴിയിൽ കണ്ട ഒരു Stainless Steel TukTuk


സ്റ്റീലിന് വില കുറവാണെന്ന് ഇവിടെ വന്നപ്പോഴേ എനിക്ക് തോന്നി. കെട്ടിടങ്ങൾ നിർമ്മിച്ചുകൊണ്ടിരിക്കുമ്പോൾ മറക്കാൻ സാധാരണ പലകയും പ്ലാസ്റ്റിക്ക് നെറ്റും ആണ് സാധാരണ എല്ലായിടത്തും ഉപയോഗിക്കാറുള്ളതു്. ചൈനയിൽ അതിനു പകരം മൈൽഡ് സ്റ്റീലിന്റെ ഫ്രൈയിം ഉണ്ടാക്കി അതിൽ സ്റ്റീലിന്റെ ഷീറ്റ് അടിച്ചാണ് മറക്കുന്നതു്. കൺസ്ട്രൿഷൻ സൈറ്റുകളിൽ 8ഉം 10ഉം മീറ്റർ ഉയരത്തിൽ ഈ സ്റ്റീൽ മറകൾ കാണാൻ കഴിയുമായിരുന്നു. ഇവിടെ സ്റ്റീലിന് ഒരു വിലയും ഇല്ലെ? . മലയാളത്തിൽ പറഞ്ഞാൽ ആട്ടോറിക്ഷ.




 
മിങ് സാമ്രാജ്യത്തിന്റെ ഏറ്റവും പ്രശസ്തനായ ചക്രവർത്തിയായിരുന്നു ശ്രീ യോങ്ങ്-ലെ (1402-1424). ആള്  ചില്ലറക്കാരനല്ലായിരുന്നു. വീരശൂര പരാക്രമിയും ആയിരത്തിലേറെ ഭാര്യമാരുടെ ഏക ഭർത്താവുമായിരുന്നു. യോങ്ങ്-ലെ ഭരിച്ചിരുന്ന കാലം അനേകം യാത്രകൾ കടൽ മാർഗം ആഫ്രിക്കയിലേക്കും, ഇറാനിലേക്കും(പെർഷ്യ), ഇന്ത്യയിലേക്കും സംഘടിപ്പിച്ചിരുന്നു.



 
ചരിത്രത്തിലെ ഏറ്റവും വലിയ പായ് കപ്പലുകൾ ഈ യാത്രയിൽ ഉപയോഗിച്ചിരുന്നു. സെങ്ങ് ഹേ (Zeng He) ആയിരുന്നു ഈ യാത്രകൾ നയിച്ചിരുന്നതു്. പുള്ളി കൊല്ലത്തും കോഴിക്കോടും ചുമ്മാ ചുറ്റിത്തിരിഞ്ഞു എന്നാണു ചരിത്ര രേഖകൾ പറയുന്നതു്. അപ്പോൾ കൊല്ലം അന്നും പ്രസിദ്ധമായിരുന്നു.

 


 

യോങ്ങ്-ലെ മരിച്ച ശേഷം ഒരു ഗമണ്ടൻ ശവകുടീരം പണിയിപ്പിച്ചു. മിങ്ങ് ചക്രവർത്തിമാരുടെ സ്മാരകങ്ങൾ ബെയ്‌ജിങ്ങിൽ നിന്നും 60 കി.മീ ദൂരത്തുള്ള ചാങ്ങ്-ലിങ്ങ് എന്ന സ്ഥലത്താണുള്ളതു്. 13 ചക്രവർത്തിമാരെ ഈ സ്ഥലത്ത് അടക്കം ചെയ്തിട്ടുണ്ടു്. അതിൽ യോങ്ങ്-ലെ ചക്രവർത്തിയുടെ ശവകുടീരമാണു് ഏറ്റവും വലുതു്. ശവകുടീരം എന്നു പറഞ്ഞൽ തെറ്റിധരിക്കരുതു്. 40 ചതുരശ്ര കിലോമീറ്ററിലാണ് ഈ 13 ശവകുടീരങ്ങൾ സ്ഥിധി ചെയ്യുന്നതു്. ഇതില എല്ലാ ശവകുടീരങ്ങളും ഉത്ഘനനം ചെയ്തിട്ടില്ല. ചിലതുമാത്രമെ ഗവേഷണത്തിനായി തോണ്ടി എടിത്തിട്ടുള്ളു. ചൈനയുടെ വെറിപിടിച്ച ജനകീയ വിപ്ലവത്തിന്റെ കാലത്ത് വേറൊരു ചക്രവർത്തിയുടെ അവശിഷ്ടങ്ങൾ സഖാക്കൾ വലിച്ചിഴച്ചു റോട്ടിലിട്ട് കത്തിച്ചു. അതിനു ശേഷം ചക്രവർത്തിമാരെ ആരേയും പുറത്തെടുത്തിട്ടില്ല. സഖാക്കൾക്ക് എപ്പോഴാണു് വീണ്ടും വട്ടിളകുന്നതു് എന്നു് ആർക്കും പറയാൻ കഴിയില്ലല്ലോ.








500 വർഷത്തിലേറെ പഴക്കമുള്ള ഈ കെട്ടിടങ്ങളുടെ തൂണുകൾ നിർമ്മിച്ചിരിക്കുന്നതു് 120 സെ.മീ ഡയമീറ്ററും 9 മീറ്റർ ഉയരവുമുള്ള മരങ്ങൾ കൊണ്ടാണു്. തൂണുകൾക്കും, കട്ടളകൾക്കും ഉപയോഗിച്ചിരിക്കുന്ന വൃക്ഷം ഏതാണു് എന്നു് ആർക്കും അറിയില്ല. മൊത്തം 32 തൂണുകൾ ഈ കെട്ടിടത്തിലുണ്ടു്. മേല്ക്കുരയുടെ അടിതട്ടിൽ ചിത്രങ്ങളും കൊത്തുപണികളും കാണാം. "കാളേജ്"പിള്ളേരു് ടൂറിന് വരുമ്പോൾ പേനക്കത്തികൊണ്ടു കാമുകിമാരുടെ പേരുകൾ മരം മാന്തിപോളിച്ച് എഴുതാതിരിക്കാൻ തൂണുകൾക്ക് ഒരാൾ പോക്കത്തിനു അക്രിലിക്ക് കൊണ്ട് പൊതിഞ്ഞിട്ടിട്ടുണ്ടു്.





ചൈനക്കാർ അന്ധവിശ്വാസത്തിൽ ഒട്ടും മോശമല്ല. എല്ലാ പ്രതിമകളുടേയും മുമ്പിൽ നാണയങ്ങളും നോട്ടുകളും കൊണ്ടൊരു കൂമ്പാരം കാണാം. ഈ കൽവിഗ്രഹങ്ങൾക്ക് പണം കൊടുത്താൽ ധനലാഭം ഉണ്ടാകും എന്നാണത്രെ അവരുടെ അന്ധവിശ്വാസം.





യോങ്ങ്-ലേ ചക്രവർത്തി ഭരിച്ചിരുന്ന കാലത്തു് നട്ട അനേകം വൃക്ഷങ്ങൾ ഇപ്പോഴും ഇവിടെ പലയിടത്തും ജിവനോടെ നിൽക്കുന്നുണ്ടു്. ഈ വൃക്ഷങ്ങൾക്ക് ചുവന്ന ബോർഡിൽ നമ്പർ ഇട്ടിട്ടുണ്ടു്. പ്രത്യേക സംരക്ഷണത്തിലാണ് ഈ വൃക്ഷങ്ങൾ. എല്ലാ വൃക്ഷങ്ങൾക്കും ഓമന പേരുകളുമുണ്ട്.




അന്ന് കെട്ടിടങ്ങളുടെ QAQC നടപ്പാക്കിയിരുന്നതു് ഇങ്ങനെയായിരുന്നു. കെട്ടുന്ന ചുവരുകൾക്ക് നിശ്ചിത അളവുകൾ ഉണ്ടു്. ഓരോ ഭാഗവും നിർമ്മിക്കുന്ന സബ് -കോൺ‌ട്രാൿടറിന്റെ പേരും വീട്ടുപേരും, പണിഞ്ഞ നാളും രേഖപ്പെടുത്തിയ ഒരു ഇരുമ്പ് കഷണം കെട്ടുകല്ലിനോടൊപ്പം വെക്കുമായിരുന്നു. ആ കെട്ടിന് എന്തെങ്കിലും പ്രശ്നം സംഭവിച്ചാൽ അതുണ്ടാക്കിയവന്റെ കുറ്റുംബം മൊത്തം കൊല്ലപ്പെടും. വളരെ സിമ്പിൾ. 500 വർഷം കഴിഞ്ഞിട്ടും നിരവധി കെട്ടിടങ്ങളും, ചുവരുകളും ഇന്നും നിലനില്ക്കുന്നതിന്റെ രഹസ്യം ഇതായിരിക്കാം.

 


മിന്നാമിനുങ്ങുകളുടെ വലിയ വെട്ടങ്ങള്‍
മിന്നാമിനുങ്ങുകളുടെ വലിയ വെട്ടങ്ങള്‍
ബാല്യത്തിലെ മിഴിവാര്‍ന്ന ഒരു ബ്ലാക്ക്‌ ആന്‍ഡ്‌ വൈറ്റ് ചിത്രമാണ്‌ വൈകുന്നേരങ്ങളില്‍ വീട്ടിനുള്ളിലേക്ക് പാറിവരുന്ന മിന്നാമിന്നികള്‍. തൊടിയില്‍ നിന്നും പാടത്ത് നിന്നുമൊക്കെ അവരങ്ങനെ കേറി വരും.വീട്ടിനുള്ളില്‍ മുനിഞ്ഞു കത്തുന്ന മണ്ണെണ്ണ വിളക്കിനോട് അവരുടെ ഇത്തിരി വെട്ടം  കാട്ടി മത്സരിക്കും. മിന്നിമിന്നിത്തെളിഞ്ഞു ഞെളിഞ്ഞു നില്‍ക്കുന്ന മിന്നമിനുങ്ങുകളോട് പുക
ഗബോണ്‍ യാത്രകള്‍
ഗബോണ്‍ യാത്രകള്‍
ആകൃതിയില്‍ ഒരു സാമ്യം ഇല്ലെങ്കിലും മറ്റു പലതുകൊണ്ടും കേരളത്തിനോട്  വളരെയധികം സാമ്യമുള്ള ഒരു മധ്യ-ആഫ്രിക്കന്‍ രാജ്യമാണ് ഗബോണ്‍.  മധ്യ ആഫ്രിക്കയുടെ പടിഞ്ഞാറു ഭാഗത്ത്‌ കോംഗോ, ഇക്കറ്റോറിയല്‍ ഗിനിയ, കാമറൂണ്‍ എന്നീ രാജ്യങ്ങളുടെ ഇടയില്‍ അധികമാരും അറിയാതെ പതുങ്ങി കിടക്കുകയാണ് ഈ രാജ്യം.   പടത്തിന്‍റെ ക്രെഡിറ്റ്‌  ഗൂഗിള്‍ മാപ്പ്സിന് ഹരിത ഭംഗി നിറഞ്ഞു
ജപ്പാന്‍ വിശേഷങ്ങള്‍ 1:- വാ കസ്തെ !!!
ജപ്പാന്‍ വിശേഷങ്ങള്‍ 1:-  വാ കസ്തെ !!!
ഏഷ്യാനെറ്റിലെ സഞ്ചാരം പ്രോഗ്രാമില്‍ ജപ്പാന്‍ വിശേഷങ്ങള്‍ സന്തോഷ്‌ ജോര്‍ജ് കുളങ്ങര വിവരിക്കുന്ന കണ്ടപ്പോള്‍ എപ്പോളെങ്കിലും ആ സ്ഥലങ്ങള്‍ ഒന്ന് നേരില്‍ കാണാന്‍ പറ്റിയിരുന്നെങ്കില്‍ എന്ന് മനസ്സില്‍ ആഗ്രഹിച്ചു പോയിരുന്നു. ജോലിയുടെ ഭാഗം ആയി ജപ്പാനിലേക്ക് സിങ്കപ്പൂര്‍ എയര്‍ ലൈന്‍സിന്റെ സില്‍ക്ക് എയറില്‍ പറക്കുമ്പോള്‍ അത് ഇത്ര ഉടന്‍ സാധിക്കും എന്ന് കരുതിയില്ല. ഒരു
സമ്പ്രതി വാർത്താഹാ: ശുയന്താം..ലൈവ് ഫ്രം ആൽപ്പ്സ്!
സമ്പ്രതി വാർത്താഹാ: ശുയന്താം..ലൈവ് ഫ്രം ആൽപ്പ്സ്!
നവംബറിലെ മഞ്ഞുപെയ്യുന്ന ആ പുലര്‍കാലത്തിലേക്ക് ഉറക്കമുണരുമ്പോള്‍ വരാനിരിക്കുന്ന ഒരു സ്വപ്നസാക്ഷാത്കാരത്തിന്റെ ഉത്സാഹമായിരുന്നു  മനസ്സില്‍. ഹോട്ടല്‍ മുറിയിലെ സുഖമുള്ള ഇളം ചൂടും തലേ രാത്രിയിലെ നീണ്ട അലച്ചിലിന്റെ ക്ഷീണവുമൊന്നും കമ്പിളപ്പുതപ്പിനുള്ളില്‍ ചുരുണ്ടു കൂടി  കിടന്നുറങ്ങാന്‍ എന്നെ മടികേറ്റിയില്ല. ആല്പ്സ് (Alps) മലനിരകളിലേക്കാണിന്നത്തെ യാത്ര. കൃത്യമായ
നോര്‍മാന്‍ഡി തീരങ്ങളില്‍ -1
നോര്‍മാന്‍ഡി തീരങ്ങളില്‍ -1
'എത്രിത്താ'യിലേക്ക്. ഫ്രാന്‍സിലെ ചരിത്ര പ്രസിദ്ധ കടല്‍ത്തീരമായ 'നോര്‍മാന്‍ഡി'യിലേക്ക് ഒരു ദ്വിദിന യാത്ര. നഗരത്തിന്റെ വിരസതയില്‍ നിന്നും ഒന്ന് മുങ്ങാംകുഴിയിടുന്ന ഉത്സാഹത്തിലായിരുന്നു ഞങ്ങള്‍. 'പാരിസ്-സൈന്റ്-ലസാ (Paris-St.Lazare)' റെയില്‍വേ സ്റ്റേഷനില്‍ എത്തി ടിക്കറ്റ്‌ പ്രിന്‍റ് എടുത്തു. വളരെ തിരക്കുള്ള സ്ഥലമാണ്. ഹൃസ്വ /ദീര്‍ഘ-ദൂര ട്രെയിനുകള്‍ വരുന്ന ഒരു വലിയ സ്റ്റേഷന്‍.
സെന്റ് മാർക്ക്സ് സ്ക്വയർ
സെന്റ് മാർക്ക്സ് സ്ക്വയർ
  സെന്റ് മാർക്ക്സ് സ്ക്വയറിനെ വെനീസിന്റെ ഹൃദയഭാഗം എന്നുതന്നെ വിശേഷിപ്പിക്കാം. വെനീസിലെത്തുന്ന സഞ്ചാരികൾക്ക് 9 -)ം നൂറ്റാണ്ടിൽ നിർമ്മിക്കപ്പെട്ടതും ഇവിടത്തെ ഏറ്റവും പ്രധാനപ്പെട്ട ഒരു അങ്കണവുമായ സെന്റ് മാർക്ക്സ് സ്ക്വയർ ഒരിക്കലും ഒഴിവാക്കാനാവില്ല. ഇംഗ്ലീഷിൽ സെന്റ് മാർക്ക്സ് സ്ക്വയർ എന്നാണ് പറയുന്നതെങ്കിലും ഇറ്റലിക്കാർക്ക് ഇത് പിയാസ്സാ സാൻ മാർക്കോ (Piazza San Marco) ആണ്.
ശ്രീലങ്കയിലേക്ക്
ശ്രീലങ്കയിലേക്ക്
ഒരു ശ്രീലങ്കന്‍  ടൂര്‍ ആലോചിച്ചപ്പോള്‍ ആദ്യമേ ചെയ്തത് നിരക്ഷരനെ കോണ്ടാക്റ്റ്  ചെയ്തു വിവരങ്ങള്‍ ചോദിച്ച് അറിയുകയാണ്. അറിയാത്ത ഒരു നാട്ടിലേക്ക്  ചെന്ന് അവിടത്തെ കാര്യങ്ങള്‍ ചെയ്യുന്നതിലും നല്ലത് ഒരു ട്രാവല്‍സ് വഴി ടൂര്‍ പാക്കേജ്  ആയിട്ട് പോകുന്നതാണ് നല്ലത് എന്ന് തോന്നി. നമ്മുടെ ഇഷ്ടത്തിന് അനുസരിച്ച് കറങ്ങാന്‍ സാധിച്ചില്ല എന്ന ഒരു
വെനീസിലേക്ക്
വെനീസിലേക്ക്
ഹോളണ്ടിൽ നിന്ന് ഇറ്റലിയിലേക്കുള്ള വിമാനം ഉച്ചയ്ക്ക് രണ്ട് മണിക്ക് പറന്നുപൊങ്ങും. കൃത്യമായി പറഞ്ഞാൽ ആംസ്റ്റർഡാമിൽ നിന്ന് വെനീസിലെ ട്രെവീസോ വിമാനത്താവളത്തിലേക്കാണ് യാത്ര. ആംസ്റ്റർഡാമിൽ ചെന്നിറങ്ങിയപ്പോൾ പാസ്പ്പോർട്ടിൽ എമിഗ്രേഷൻ സ്റ്റാമ്പ് അടിച്ചില്ല എന്ന കാര്യം അമ്പരപ്പുണ്ടാക്കിയിരുന്നു. ഈ രാജ്യത്ത് വന്നിറങ്ങിയതിന്റെ രേഖയായി വിമാനത്തിലെ പാസഞ്ചർ
ബെര്‍ലിന്‍ വസന്തം
ബെര്‍ലിന്‍ വസന്തം
ജര്‍മ്മനിയുടെ തലസ്ഥാനം ആയ ബെര്‍ലിനിലേക്ക് ഒരു യാത്ര. വളരെ അവിശ്വസനീയം ആയ ഒരു സ്വപ്നം. യാത്രകള്‍ വലിയ ആഗ്രഹം ആയിരുന്നു എങ്കിലും ഇങ്ങനെ ഒരു യാത്ര സ്വപ്നം മാത്രം ആയിരുന്നു. വളരെക്കാലം മുതലേ ഞാനും ബഷീറും സുഹൃത്തുക്കള്‍ ആണ്. ദുബായിലെ റിയല്‍ എസ്റ്റേറ്റ്‌ ബിസിനെസ്സ്‌ നേരിട്ട വന്‍ തകര്‍ച്ചയുടെ ഫലം, ബഷീറിന്റെ പഴം പച്ചക്കറി ബിസിനെസ്സില്‍ ജോലിക്ക് എനിക്കും ഒരു ക്ഷണം.
തീരാ വേദനയായി ഒരു പെൺകുട്ടി.
തീരാ വേദനയായി ഒരു പെൺകുട്ടി.
നെതർലാൻഡ്സ് യാത്രയുടെ ആദ്യഭാഗങ്ങൾ 1. ലന്തക്കാരുടെ നാട്ടിലേക്ക് 2. ആംസ്റ്റർഡാം കനാലുകളിലൂടെ 3. വജ്രങ്ങളും, ചുവന്ന തെരുവും, വാൻ ഗോഗും --------------------------------------------------- യുദ്ധങ്ങൾ എന്നും ലാഭങ്ങളേക്കാൾ കൂടുതൽ നഷ്ടങ്ങൾ തന്നെയാണ് വരുത്തിവെച്ചിട്ടുള്ളത്. അല്ലെങ്കിൽ, എന്ത് ലാഭമാണ് യുദ്ധങ്ങൾ നൽകിയിട്ടുള്ളത് ? അധികാരക്കൊതി മൂത്ത മനുഷ്യത്വമില്ലാത്ത ഭരണാധികാരികൾ, ക്രൂരരായ ഏകാധിപതികൾ,
Banner
Banner
Hits:3556615
Visitors: 1099179
We have 37 guests online

Reading problem ?  

click here